香港七成初中生認同『未成年性行為』40%小學已拍拖

原帖由 ken0420hk 於 2010-2-20 06:03 發表
而家ge青年被性/毒綁上了
p.s.我學校(小學)已有人拍拖la
其實 性  毒 係咪真係咁重要le??
倒不如放眼世界,識下D知識仲好la!

記得有套許冠文做主角既戲講過一個道理︰
大家有腦既, 唔好人講你就信, 要思考下諗下, 憑咩要信人？

隔日就有人企出黎, 講而家既學生無性無毒無拖拍就生存唔到,
10個青少年, 有9個一係潮童, 一係毒男。
當大家好開心地批評緊, 唔批評到盡都驚美化左佢地既時候,
你自己行出街見到係咪咁樣先？有幾多人真係濫交、吸毒、潮裝樣樣齊？

我見過既年輕人, 好多清純過蒸餾水, 有人以為kiss同oral sex係一樣意思,
有人純情到以為男仔女仔食餐飯, 或者每日一齊坐地鐵就叫拍拖。
就算有一兩個人細鬼大真係拍拖, 係咪代表呢個係norm？
就算係拍拖, 顧全到學業, 咁有咩問題呢？
係咪因為小學老師教「求學不應談戀愛」, 唔聽老師話所以就係錯？

同埋要明白一樣野, 「認同」學生可以拍拖, 可以未成年性行為*(註), 唔代表會做出黎。
我認同同性婚姻, 係咪代表我係同性戀？
我「認同」一樣野, 不過代表我覺得呢個選擇應該尊重, 我唔應該隨意指指點點,
其他人亦冇權去指指點點。

*(註) 未成年性行為唔代表犯法, 過左16, 未到18都係未成年性交。

十年前我讀初中, 身邊既同學都開始發豆芽夢, 開始膽粗粗咁約女仔出街,
都唔知為乜野今時今日先大驚小怪。
你話有問題咩？大家都大學畢業, 上哂岸搵到工, 有唔少仲要係入大firm喎...

[ 本帖最後由 kwyeung 於 2010-2-20 17:00 編輯 ]

原帖由 venetian 於 2010-2-20 07:09 發表


係教育政策問題,宣傳就講求學不是求分數,不過今日香港考試制度改啦,唔係講緊分數咩?

咁到可以算到教育政策頭上, 維港既水總有一天會被抽乾。

原帖由 ken0420hk 於 2010-2-20 06:03 發表
而家ge青年被性/毒綁上了
p.s.我學校(小學)已有人拍拖la
其實 性  毒 係咪真係咁重要le??
倒不如放眼世界,識下D知識仲好la!

我呢個八十後老野，中三時都有同學拍拖啦，女方係成績好好的女強人，
男方係忠忠直直的好男人，計下計下而家已經10年喇，10年呀，我都好佩服。
所以中小學生是否應該拍拖，呢個根本係nonsense question。

我宗旨就係，身體髮膚受諸父母，吸毒我就最譴責，
未成年(應該話未滿16)性行為，犯法架喎，我都唔使評論啦係咪？

唔講18單講16，難道某人16歲生日的一天，會突然覺得我要上床？
或者，生日前一天上床同後一天上床，會有好大分別咩？

[ 本帖最後由 DIH 於 2010-2-20 23:22 編輯 ]