香港，文化沙漠？

今日睇電視，見到兩個研究香港文化的外國人，

話香港人唔尊重香港獨有的文化，

更有不少珍貴文物是在垃圾筒中找到的！ :shock:


聽見這一番話，我真的嚇了一跳，

原來香港竟有那麼多的文化存在，

而很多香港人並不察覺這一點，

更把珍貴的有關文化的文件當作垃圾一樣扔掉！


結果，外國人反比香港人知道更多香港的文化，

釀成一大笑話！


值的反思的是，為甚麼會造成這樣的現象？


香港，這個金錢至上的社會，真的是一個文化沙漠嗎？

沙漠化的，是香港，還是香港人？


歡迎討論！

你睇政府點睇文化呢個字﹖
得水墨畫係文化，先可以落西九，
又拆哂o的舊野。

香港同時又唔係好重視新o既文化出現，
對舊o既文化......好o的但係冇咩人有興趣 (中國同香港都係)。

舊又係咁，新又係咁，對文化二字理解狹窄，
點能重視香港新舊文化呢﹖

係咁架啦，鬼叫香港係亞洲金融中心咩？d人淨係理今日邊隻
股票升或者xx灣幾時開盤。

文化文化，好多香港人以為電影、名畫就係文化，講句實話，
其實舊區入面都有唔少地方可以反映得到香港文化，只不過香
港人冇留意到。

[ref=419035]M[/ref]  在 2005-11-12 06:51 PM 發表:

係咁架啦，鬼叫香港係亞洲金融中心咩？d人淨係理今日邊隻
股票升或者xx灣幾時開盤。

文化文化，好多香港人以為電影、名畫就係文化，講句實話，
其實舊區入面都有唔少地方可以反映得到香港文化，只不過香
港 ...

其實外國人, 見到有個竹棚, 去一去茶餐廳, 已經係一大香港文化

不過另外咁睇, 香港人只識看錢, 其實都係香港人的文化之一,
只不過呢個文化, 唔會留返d舊文化咁解, 唔知咁睇又點呢.....

[ref=419083]3ASV196[/ref]  在 2005-11-12 08:02 PM 發表:

不過另外咁睇, 香港人只識看錢, 其實都係香港人的文化之一,
只不過呢個文化, 唔會留返d舊文化咁解, 唔知咁睇又點呢.....

我比較認同呢個觀點。

對我而言，文化本身唔係話一定要係好有修養或者
好有內容先叫文化。而且，如果香港做文化沙漠做
到大家都因此認得香港，某程度上亦唔係壞事。

我有時唔係幾接受 (大) 部份人對文化的觀感。
或者係我庸俗喇。

還有還有，粵劇、圍村等也是香港文化之一，可是......#:-/
在西九起座博物館就會有文化喇咩？
迪士尼都可以起左冇人去啦，迪士尼起左亦不代表香港多了一些歡樂
（有也只是堆砌的喪權辱國崇美心態），西九文化亦一樣，我都唔知政府諗乜。
文化是要慢慢醞釀的，唔係話起座乜乜館就會有文化，而舊有文化沒有了便不可挽回。
都係一句：我都唔知政府諗乜。:mad:

[ref=419245]DIH[/ref]  在 2005-11-12 10:44 PM 發表:

還有還有，粵劇、圍村等也是香港文化之一，可是......#:-/
在西九起座博物館就會有文化喇咩？

以我所知，西九的由來，係幾年前有多齣大收旺場的歌劇（好似係Phantum of the Opera和Cats等）在港上演，之後才發覺香港的表演場地不足，以及差不多全由政府營運（北角新光戲院除外）。政府想開拓呢方面，但係，租政府營運的場地予私人辦呢一些商業文化節目，又是否洽當呢？又會否令其他團體租不了場地呢？

就係呢一些的問題，才開始想方法如何由私人營運文化表演場地，之後，就有了西九呢個提議了。

不是說起了西九，文化就可以無中生有，不過，如果有多一些場地的話，看來也是好事。