銀影路入口一上, 有兩條路, 一條左, 一條右。
右邊果條雖可通往魷魚灣/翠林, 但會經過一堆山墳, 個人不建議使用。
而選行左邊果條既話, 無幾耐會分叉, 一條經山岳頂, 一條右邊經山腰, 好快就會殊途同歸,
(兩條路重新匯合之後就如樓主所講, 只能前往坑口或景林, 不過都有成四五個出口)
但經山腰的那條途中會有分叉落山, 呢條路可以直落魷魚灣, 中途有路向北繼續沿山腰行。
呢條向北沿山腰行既山徑好似叫 蓮苑徑, 中途有支路上鷓鴣山或落寶林邨,
繼續行則可以去到將軍澳村對上山坡, 有一十字路口, 路口有指示各目的地,
轉左可落將軍澳村, 轉右可經小夏威夷徑上井欄樹, 直行就可以行到去翠林,
而樓上所講既小瀑布, 就o係十字路口同翠林中間。
至於想去油塘、調景嶺既話, 可以o係就到翠林之前, 有路上澳頭村果條路, 上到去就係衛徑三段。
*其實以上路徑, 大部份中原地圖都有顯示, 可以去參考一下 |
