由於昨日有事要到中環、金鐘一帶,返回尖沙咀,因為貪平&夠近(因在大會堂附近),決定坐天星小輪過去,點知又因衰貪平坐下層而變成一幕船上開遮奇景。
由於下層與上層有所分別,分別在上層落雨都有膠布遮蓋雨水好難滲入,但下層拉繩位無得用膠布遮蓋,而中間又好小位坐兼空氣較污濁,結果就像如下:
下午5:00非常大雨,大約50人選擇坐下層(包括我),當船駛出碼頭後,發覺非常大雨,兩水不斷濺入,下層乘客就幾乎淋雨,為免再俾雨淋,坐向出坐位的乘客即時開遮,直到尖沙咀碼頭
見到o的遊客想影相都唔敢影,避免俾雨濺壞相機
呢個就是貪平的結果,下次落大雨都係坐上層好過!
唔知各位試過未?
呢種滋味真係得天星小輪專有,新渡輪或愉景灣、柏麗灣的船一定唔會發生!
可能太大浪兼好大雨,昨日又好似唔多人坐船過海
船長在到碼頭後送咗一句:「由於海面大浪,請各乘客下船時小心」 |
