養魚心得分享之 七彩神仙魚其實吾難養

我父親在上年五月開始養魚，我見魚魚咁可愛我就愛上養魚，空閒時都會幫手打理魚魚。

七彩神仙魚稱得上熱帶魚皇，深受魚友的歡迎，但七彩神仙出晒名難養，有吾少人養養下放棄了，而我自己都有類似的經歷。

我家養的主要是七彩神仙魚，一開始養３條，前幾個月時，我同父親覺得神仙魚好難養，有一條病死，一條吾食野死。之後買多條回家，點知一回家就反肚，就死咁，另一條冇死既就終日躲在魚缸一角，又吾肯食野，像有自閉症。於是，便找一天假期一齊出金魚街買魚藥和問過究竟。當我們走到某魚店時，想找邊隻藥有用，店東便走來問問魚魚的情況，聽完我家魚缸的設計之後就罵我們點解養死魚。他說因為我家的魚缸缸底太多石仔，令魚兒的廢物容易收藏，便令魚兒生病，而且我家的潛水式濾水器冇力，很難過濾水，令水質日漸變差。除此以外，他更吩咐我們養神仙魚最好不要用紅虫當食物，因為紅虫多細菌，應該買些神仙魚專用的乾魚糧，再者，養神仙魚要保持水溫２８－３０度左右。

之後我們便買了一些神仙魚食物，回家後幫魚缸進行大掃除，把石仔全部清除，進行大換水，弄了２小時之後放番２條魚魚入去，佢地有如換了新屋企一樣咁開心，在缸內活潑地游來游去。之後，我便把新買來的魚糧給牠們品嚐，最初牠們都吾係好肯食，但過了數天之後牠們當寶一樣，見到就搶來吃，愈食愈大條，色彩也愈來愈漂亮。

轉眼間，養了牠們接近一年了，牠們都很健康。我自己就沒有買什麼ｐｈ穩定劑，亦唔有買什麼乜酸物酸諸如此類的產品。只是用除氯劑，一支９元的藍色魚藥水，勤加換水，和比一些神仙魚的魚糧，就養到牠們肥肥白白了，現在更養多了２條少年神仙魚，牠們現在都很健康，很活潑，很貪吃。

不過，換水時，要落除氯劑，因為香港的水有不少氯氣，我們就沒有事，但對魚兒來說就很毒的。買神仙魚都要好小心，因為不幸買了有問題的魚會累埋其他的魚，我自己買魚就買一些較淺色，和眼睛一定要紅紅的。

以上都只是我根據自己養魚的經歷所寫出來的心得，當然，可能因為不同的魚，不同的環境而有不同的情況，歡迎分享和討論。

圖：見http://www.hkitalk.net/HKiTalk2/viewthread.php?tid=352877&extra=page%3D2

[ 本帖最後由 98C 於 2009-3-20 08:47 編輯 ]

其實養魚都花左好多功夫,要經常清理濾水器,又要經常換水,以前我個缸用內置式濾水器, 不過有=冇,之後我同我爸爸一齊出去金魚街買缸頂式濾水器, 水質有明顯的改善。我爸爸說其實舊式缸頂式濾水器比新式好好多,我起初不信,但事件又係真。

此外,我好想多謝當日罵我的買魚用品店東,吾係佢提醒我我的魚可能死晒都似。

當我係屋企渡假的時候,我可以用一整天去打理缸魚。

的確果d細細部浸晒係水入面的濾水器除左吸左d垃圾冇咁濁
細菌一樣係會浸住係水入面

我就唔敢養七采神仙.以前個保母車伯伯話我知(成十幾年前)唔岩細路仔玩的.太易玩死
我就養金魚多.獅子頭多數玩得耐.
紅劍黑摩利都養過.仲耐玩.

不過睇住d魚番來時篤隻手埋去佢會走,到養熟左你行埋去佢就遊晒埋來
的確係幾開心ge事.

係吖！
我條神仙魚認得我同家人架，我一行過去，佢地就游埋過來，用手指去指下個缸佢地就好開心咁游過來，好過引。

我以前屋企都有養魚，係金魚同清道夫。
唔算太難養，但係個瀘水器好煩。

又養過一堆烏龜，堆野養到曉生旦，但因為要搬屋，放生晒啦

依家，轉移為養貓，好煩，但係又真係好好玩。

但最記掛的，始終係堆龜。

原帖由 CN9AMT100UP 於 2009-3-24 11:41 發表
我以前屋企都有養魚，係金魚同清道夫。
唔算太難養，但係個瀘水器好煩。

又養過一堆烏龜，堆野養到曉生旦，但因為要搬屋，放生晒啦

依家，轉移為養貓，好煩，但係又真係好好玩。

但最記掛的，始終係堆龜。 ...

係呀，要日日清洗塊濾水棉，同定時更換
我爸爸話將魚魚由細養到大會有成功感，事實又係，當睇佢慢慢長大的時候個心就會有一種莫名其妙既快感