[問] 台語, 福建話, 閩南話, 潮州話, 上海話既分別

早前見板友講客家話, 當時都有呢個疑問........
吳方言區裏面包括左咁多種語言, 其實佢地係咪一樣?
睇過網上既資料, d 分支關係使我覺得好亂, 故在此一問.

舉例說, 做義工時不時會探到一d 講潮州話既老人,
假設我識台語, 我係咪可以同佢溝通到? 謝謝.

簡單來說, 漢語有七大方言: 北方, 粵, 湘(湖南), 客, 閩, 贛(江西), 吳(江蘇南部, 上海和浙江)。之所以講分呢七大, 就係呢七大之間係互不相通, 而七大之內亦可以有好大差異, 但同源者就會歸為一類。
所謂台語即係閩南語, 係閩方言中一支, 同潮州話頗近, 你講閩南語佢都可以聽得明一部分。

我有姨丈係潮州人，佢公司會同台灣人有生意來往，佢唔使特別學閩南話已經可以同佢地以自己的語言溝通。
我無真正聽過潮州話係點，但應該同閩南話非常相似。

e.g. 我唯一知道的是，潮州話及閩南話，「人」都係類似「lang」音。

我生活在台北...我頗相信能解答你呢個題
閩語即係福建語系，其中主要包括閩南（以泉漳為中心）閩北兩大方言片；
其中閩南話可以涵蓋今日泛指的台語，而台語當中又有所謂泉腔漳腔，呢個就視乎遷台前祖籍地問題；
而潮州話、瓊州話（海南話）甚至中山隆都話都係閩南話分支，但各處鄉村各處例，發音總有Ｄ不同。
而上海話就係吳語，同福建話無乜關係了。