醫生銜頭！

好多時到一般診所睇醫生，有無留意其銜頭，有些會話自己係某醫科院士，我想問院士是否介乎學士與碩士之間呢？另外又會話自己係某醫科文憑，那麼文憑是否只是短期課程呢？又要讀幾耐呢？謝謝解答！

其實學士/碩士同院士係唔同既東西黎....

醫學界特別係出黎行醫既其實好少係拎碩士學位... 碩士比較多會聽
到既係醫療科學碩士 (MMedSc, Master of BioMedical Science)，
或者就咁哲學碩士 (MPhil, Master of Philosophy)，前者會有部份
醫生去讀，後者除非你想專注醫學研究否則都無乜人會去讀。
順帶一提博士就有醫學博士 (MD, Doctor of Medicine) 同哲學博士
(PhD, Doctor of Philosophy)，要留意前者 MD 係有兩大類，如果你
見個醫生係北美洲例如美加既大學出黎既「醫學博士」，其實佢既
學識同英制既「醫學士」係差不多，因為美加讀醫好多都係一讀
就黎個七年制既 MD.... 佢地既要求相比香港既英制 MD 係低好多，
所以睇醫生如果你見佢個醫學博士係美加考返黎既唔好以為佢真
係超勁。PhD 就同 MPhil 一樣基本上係做研究先會讀既東西。

院士 = Fellowship/Membership
基本上一定要你拎左醫學士學位出左黎行醫之後你先可以去考
院士，一般黎講學士畢業後再揀你想去攻讀既專科，然後一邊
做野一邊去讀呢個院士，包括上堂同埋做臨床訓練，做完就去
考試，前後大概係六年左右... 同埋有 d 醫生會一野拎好多個同
一類別既院士，咁可能佢只係受訓一次就可以考好多個呢 d  院
士...

文憑就要求真係簡單 d，好多都係同樣要求你本身係醫生先讀到，
但差不多係一味上堂讀讀讀，唔駛讀六年咁多，但聽聞個考試一
d 都唔容易.... 另外，全球既認受性亦都無乜乜院士咁「巴閉」

明白晒！多謝解答！

原帖由 fokck 於 2008-6-16 14:26 發表

其實學士/碩士同院士係唔同既東西黎....

醫學界特別係出黎行醫既其實好少係拎碩士學位... 碩士比較多會聽
到既係醫療科學碩士 (MMedSc, Master of BioMedical Science)，
或者就咁哲學碩士 (MPhil, Master of Philos ...

正確d講，美國係將醫生個學位當postgrad，一定要有左first degree先可以讀，咁當然係7年(4+3)