浸鹹水遇溺記 第二十九回 LM391 LM398 EDI-KOI-EDI A Study of Tartans

-- 前 言 --

雖然呢個系列叫 ‘浸鹹水遇溺記’ ，不過老老實實 四年黎小弟旅途上都係安然無恙 - 小弟係搭乘五十程航班之中 最驚險既事應該都係 1. 搭港航之後遭天譴 同埋 2. 係奧地利航空上面差少少餓死 咁解～～

豈知黎到小弟要翻英國行畢業禮既時候就真係遇溺 - 仲要唔係浸一下就算 佢係一浪接一浪咁拍埋黎 - 即使小弟一年後望翻轉頭 都依然覺得刺激…

-- Flight Info --

LM391 EDI-KOI G-LMRE
Aerospatie ATR 42-500
STD 0650 ATD 0724 (BST)
STA 0740 ATA 0815

LM398 KOI-EDI G-LMRB
Aerospatie ATR 42-500
STD 1755 ATD 1837 (BST)
STA 1905 ATA 1926

-- 流 感 --

二〇二二年，香港以外既世界已經漸漸復常，而世界各界亦開始拾起步伐，努力追回疫情兩年間失去既時間。小弟既大學亦唔例外 - 大學宣佈會補辦兩年前因為疫情延誤既畢業禮 - 而小弟便同家人一同前往英國參加畢業禮，順便黎一個久違既 family trip。

不過，經歷完 法蘭克福機場，英國鐵路界 同 蘇格蘭船公司 各個事件後，正當小弟一家開始覺得旅途終於回復正常之際，小弟突然接到一個電話...

"唔好意思呀，關於兩日後既 Puffin Tour 呢，因為個島爆發禽流感，所以當局唔會俾遊客登島參觀 - 唔知你有無興趣改期或者取消?"

同家人食晚餐兼召開緊急會議後，家人當日會探訪愛丁堡既各大博物館同城堡，而小弟就會借呢個機會獨自展開一個 200 英里 既旅程，並拜訪蘇格蘭以北既 Orkney Islands。

-- Edinburgh --

小弟既旅程於清晨五點 由一個冷清既愛丁堡市中心開始 - 乘三十分鐘既 Skylink 100 到機場後 (講真 Lothian Buses 張凳真係幾好坐 訓到要司機黎邀請我落車) 小弟抱住一個期待既心情踏入一個八十年代風格既愛丁堡機場。

愛丁堡機場同其他英國機場無異，大部份航班都係飛往地中海沿岸，”陽光與海灘” 既目的地，而離境大堂大半都係被 TUI, Ryanair, easyJet 等航空公司佔據。反觀今日小弟搭乘既 Loganair，雖然佢係一間紮根蘇格蘭多年既 Regional Airline，不過佢只有一個櫃檯辦理登機手續。

千辛萬苦 係 easyJet 同 Jet2 既隊伍中間搵到佢既唯一一個櫃檯之後，小弟好快就辦妥登機手續。今日 Check-In Counter 既職員非常親切，除左有幾句 banter 之外，職員除左俾少少 travel tips 小弟之外，甚至將整個 terminal 遞俾小弟睇，俾小弟自己揀位~~

通過安全檢查 進入愛丁堡機場既 Airside，剛才提到離境大堂既 八十年代感覺 係完全完全拋諸腦後 - Duty Free 既裝潢當然係華麗優雅，而其他部份亦整潔舒適。Airside 係有唔少等候空間，而所有英國機場都必須配備既 Spoons, WHSmith 等都可以係禁區搵到。

不過比較難搵到既 係今日航班既登機閘口 - 由於今日 Loganair 係要用到一個遙距閘口登機，乘客要到達今日既閘口 係要先步行到客運大樓的末端，行樓梯到地下，再乘巴士到停機坪登機。

今日既登機程序非常有效率 - 地勤人員集齊今日航班一共二十五位乘客後，便用一部巴士將所有乘客帶到正於停機坪加油既 ATR-42。各乘客好快便安頓好，而機組人員作出講簡短既安全示範後，飛機便滑行到跑道，並隨即向北方既島嶼進發，展開小弟既 Orkney 一日遊。

不過小弟已經再唔係六年前既小弟 - 雖然六年前既小弟係可以通宵寫論文再搭 Jet2 去阿姆斯特丹遊玩，不過今日既小弟於清晨五點起身後 只可以勉強將疲倦既身軀拖上呢部 ATR-42 之後即時昏睡 - 機上既服務同機艙特色就等回程先詳細講解啦~~

小弟再醒過來既時候，飛機已經穿過破碎既雲層，並準備於 Kirkwall 既跑道上降落。飛機於閃爍既北海慢慢降下，並於早上八時十五分降落呢個迷人既北方島嶼。


小弟既旅程於清晨五點 由一個冷清既愛丁堡市中心開始


即使當日早上 一小時內有三班 Loganair 既航班前後出發，呢個一個 counter 亦足以應付咁多班機既乘客~~


通過安全檢查 進入愛丁堡機場既 Airside，剛才提到離境大堂既 八十年代感覺 係完全完全拋諸腦後 - Duty Free 既裝潢當然係華麗優雅，而其他部份亦整潔舒適。


今日航班係要用到一個遙距閘口登機，乘客係要先步行到客運大樓的末端，行樓梯到地下，再乘巴士到停機坪登機。


Loganair 為蘇格蘭既區域性航空公司，主要服務蘇格蘭既各個重鎮，以及英國既各個二線城市。同時間，佢亦有營運由政府資助既 Orkneys Inter-Island Air Service，以及用 Twin Otter 營運來往 Hebrides 群島既服務 (著名既沙灘機場 Barra 就係由 Loganair 提供一日兩班既服務)


雖然機艙係採用一個標準既 2+2 排位，不過第一排座位係背向機頭 (i.e. 乘客會好似旅遊領隊咁 全程望住全機乘客) - 話就話有 extra legroom, 不過呢個額外空間係要同第二排既乘客共享既~~


Descending over Copinsay


經過五十分鐘既飛行後，小弟到達 Orkney Islands 既主要機場 Kirkwall Airport。

-- Orkney Islands --

小弟亦先係度介紹下呢個群島啦 - Orkney Islands 為蘇格蘭以北既群島之一 - 由於其位置鄰近位於北海既再生能源及油田，佢係有唔少設施支持英國北部既能源產業，同時間佢亦有唔少郵輪定期拜訪。

雖然佢同大不列顛島係一海之隔，不過佢擁有相當好既交通網絡 - 有四條航線接連 Orkney 同蘇格蘭北部既各個港口，而群島中最大城市 Kirkwall 亦有頻密既航班連結該城市以及蘇格蘭各個城市~~

而今日既 Orkneys 係雙倍熱鬧 - 適逢有一部郵輪於日間停泊 Kirkwall， 大部份市中心既商店都有營業，而小弟都可以感受下英國最北方既小鎮既 Market Day 氣氛。於 Kirkwall 食左個早餐後同拜訪 Kirkwall 既教堂後，小弟買左張 Stagecoach 既 Day Pass ，前往主島既其他村鎮探索~~

小弟先前往 Stromness 睇佢既漁村 - 雖然佢同英國其他漁村一樣 其漁業早已式微，不過遇上為郵輪乘客而開門營業既各間商舖 (相信郵輪公司當日有另外安排 Shore Excursions)， 小弟於為迎接郵輪乘客而設的 bagpipes 既背景音樂下拜訪呢條漁村的確係別有一番風味~~

臨近中午，小弟乘 Stagecoach 既 X1 服務前往 Scapa Flow (有熟讀近代史既讀者或許會聽過呢個名字 - 呢個海灣為英國皇家海軍於一，二戰間既基地) - 拜訪 Italian Chapel 同 HMS Royal Oak 的紀念碑後，小弟便乘上一部 Optare Solo 回去機場，結束小弟既 Orkney 一日遊。



雖然整個群島既居民只有兩萬人，不過島上既交通配套係異常地好 - 機場巴士係每二十分鐘一班 (小弟留學時既 local airport 巴士都只係三十分鐘一班...)


Orkney Islands 為蘇格蘭以北既群島，並以能源，農業以及旅遊產業為名。由於其位置鄰近位於北海既再生能源及油田，佢係有唔少設施支持英國北部既最大產業，同時間佢亦有唔少郵輪定期拜訪。


雖然佢同大不列顛島係一海之隔，不過佢擁有相當好既交通網絡 - 有四條航線接連 Orkney 同蘇格蘭北部既各個港口，而 Orkney Islands 中最大城市 Kirkwall 亦有頻密既航班連結該城市以及蘇格蘭各個城市~~


Stromness 雖然同英國其他漁村一樣 其漁業早已式微，不過遇上為郵輪靠岸時，大街上各間商舖係會特別迎接。小弟於為迎接郵輪乘客而設的 bagpipes 既背景音樂下拜訪呢條漁村的確係別有一番風味~~


Scapa Flow - 有熟讀近代史既讀者或許會聽過呢個名字 - 呢個海灣為英國皇家海軍於一，二戰間既基地 - 而今時今日依然會見到唔少反潛艇設備既遺址散佈於島嶼各角。


Italian Chapel 由北非戰役中被擄獲既意大利軍人建成，呢批 PoW 被監禁於島上並參與反潛艇設備既建設 - 而呢個教堂係由佢地興建而成。呢批軍人於二戰結束前已經獲安排回國，留下呢個教堂成為一個歷史既見證。

-- LM398 --

遊覽 Kirkwall 同 Orkney 各島嶼過後，小弟係時候回愛丁堡同家人食晚餐。從市中心出發 乘半小時巴士到機場後 小弟回到七小時前才剛剛抵步既 Kirkwall Airport。

Kirkwall 並唔係一個大城市，而 Kirkwall Airport 既大細亦反映到呢點 - 客運 ‘大樓’ 只有四個預辦登機手續既櫃檯同一個 Security Lane，而整個機場既停機坪只夠三部飛機停泊。機場既乘客設施亦非常充裕 - 有一間島民營運既 Cafe 售賣簡單既熱食同販賣紀念品。Airside 既候機空間比較有限，不過閘口旁係有一個漂書書櫃 - 今日既航班因為 Inbound Aircraft 於 EDI 被延誤而推遲一小時，而小弟都見到唔少島民幫襯呢個書櫃~~

於候機室等待半小時後，今日既用機 G-LGNB 從 EDI 飛抵 Kirkwall。地勤人員好快就完成裝卸貨既程序，而地勤人員亦隨即開始登機手續 - 檢查登機證後，乘客於地勤人員既帶領下 從候機室直接步行上飛機，暫別呢個迷人既蘇格蘭島嶼~~

同早上航班一樣，機上過半乘客都係島民或者係經常往返島嶼工作既人仕 - 唔少乘客係互相認識，同地勤人員係有講有笑，而機艙內亦帶住一股溫馨氣氛。 機上既唯一一名機組人員進行安全廣播後，飛機便於六點半左右起飛，返回蘇格蘭首府 愛丁堡 。

-- Loganair’s ATR --

小弟先介紹今日既用機同配置啦 - 今日既 G-LMRB 為一部 27 歲既 ATR 42-500 - 飛機於 2020年加入 Loganair 既機隊，接替當時年事已高既 Saab 340。 ATR 既客艙係有幾個頗特別既設計既 - 有別於其他同類型既客機，ATR 系列既設計係要乘客於機尾登機，而機頭既空間則預留作貨艙用~~

另外，第一排座位係背向機頭 (i.e. 乘客會好似旅遊領隊咁 全程望住全機乘客) 話就話有 extra legroom, 不過呢個額外空間係要同第二排既乘客共享既~~

Loganair 既座椅亦相當有趣 - 雖然機艙係採用一個標準既 2+2 排位並用上籤薄既座椅 - 不過每張座椅上都有一塊擁有獨特紋路既 Headrest Cover。呢個設計為 Tartan - 每個 cover 都有自己既顏色同格仔配搭，並用上蘇格蘭羊毛編織而成。

同時，布料上既紋路並非偶然 - 蘇格蘭各大家族都有自己既 Tartan 設計，甚至有規定布料顏色既針線數目 (如果有興趣既，閣下係可以上 Scottish Register of Tartans 研究~~)~~ 小弟非常喜歡呢個微妙既設計 - 可以反映航空公司既背景之外，呢塊 Tartan 又實用又唔會喧賓奪主。

到達巡航高度後，今日既機組人員隨即開始今日既 Inflight Service - 飲品方面有茶同咖啡提供，而乘客可以從兩個非常 Scottish 既餅乾之間選擇 - Tunnock’s Wafer or Walker Shortbread。

機上娛樂就比較簡單，乘客可以閱覽機上提供既安全卡，或者閱覽機窗外迷人既北海風景 - 於鬆散的雲層上滑翔，望住下方北海的風力發電機緩慢地旋轉 亦係一個相當療癒身心既活動黎~~

Inflight Service 完結後，小弟同 Cabin Crew 搭訕 - 閒談後得知原來今日既機組人員並唔止係一個空少簡單 - 佢係 Loganair 其中一個區域副經理，因為人手短缺而暫時放下文書工作服務今日航班。佢一星期會撥出一兩日做 flying crew，而今日佢係因應同事因病告假而食緊中午飯時臨時被安排執飛 EDI-KOI-EDI，並笑稱 “Hopefully I should be back in time for dinner tonight”。

同呢個雙重身份既副經理討論歐亞航空業既現況以及分享下小弟係 Orkney 既所見所聞之後，飛機好快就到達 North Berwick 上空 - 副經理進行 pre landing checks 之際，小弟就睇住飛機沿 River Forth 往愛丁堡機場緩慢下降，好好享受呢個一日遊既最後幾分鐘。

飛機於 1926 降落 - 同呢一位非常熱情既副經理道別後，小弟乘 X100 巴士返回愛丁堡，同家人於一間 local pub 食飯，結束呢個十二小時既 Orkney Islands 一日遊。

-- Conclusion --

總結呢兩趟各一小時既航班，今日既飛行體驗係非常好 - 雖然 ATR42 同其他 turboprop 一樣 因為螺旋槳、引擎同機艙既距離比較接近，噪音同震動比較多，不過飛機係非常平穩 - 即使於一個常常吹起烈風既北海小島上降落時亦綽綽有餘~~

除左有機會體驗蘇格蘭北方小島既風情之外，今次體驗對小弟而言亦係一個提醒 - 雖然飛機對好多香港人而言只係一個出外遊玩既交通工具，不過其實航空業係唔少歐美國家擔當起一個重要既角色，為唔少既偏遠地區提供一個 vital link，將該區同世界接軌。

肺炎無疑為各行各業帶來前所未有既挑戰，而疫情對航空業既影響更甚 - 當有外人於網上對航空業指手畫腳甚至惡言相向，亦有人會不計付出，謹守崗位，默默維持唔少偏遠區域對外既連結。希望航空業可以盡快重回正軌，亦希望日後 世界回復正常後 小弟會有機會再拜訪呢個島嶼~~


麻雀雖小 五臟俱全 -  雖然 Kirkwall Airport 只係服務一個一萬七千人既島嶼，不過佢既設施都算充裕 - 除左有頻密既巴士服務之外，佢係有一個一間島民營運既 Cafe 售賣簡單既熱食同販賣紀念品同一個 info desk。


KOI Airside 既候機空間同設施都非常有限，不過閘口旁係有一個漂書書櫃 - 今日既航班因為 Inbound Aircraft 於 EDI 被延誤而推遲一小時，而小弟都見到唔少島民幫襯呢個書櫃~~


ATR 既客艙設計係頗特別既 - 由於飛機貨艙設於機頭，客艙入口係設於機尾既~~


Loganair 除左用其 ATR-42 機隊連接 Kirkwall 同蘇格蘭各地之外，島上亦駐一部 Britten Norman Islander，以連結 Orkney Islands 既各個外島。


今日既 Inflight Service - 飲品方面有茶同咖啡提供，而乘客可以從兩個非常 Scottish 既餅乾之間選擇 - Tunnock’s Wafer or Walker Shortbread。


現時就 於熾熱時 於冷冽時 沾些詩意 寫好故事
美事傻事 全然慾試 別談未知 自由行事
林家謙  喃嘸師感官漫遊


機上娛樂就比較簡單，乘客可以閱覽機上提供既安全卡，或者閱覽機窗外迷人既北海風景 - 於鬆散的雲層上滑翔，望住下方北海的風力發電機緩慢地旋轉 亦係一個相當療癒身心既活動黎~~


雖然機艙空間唔係闊落，不過由於座椅椅背籤薄，因此坐落都唔會太頂腳


小弟掛住望風景唔記得影相 － 圖中為 Royal Forth Yacht Club，而圖片左邊則為 Leith，係 HMY Britannia 現時停泊既碼頭。


And that’s a wrap!
如果閣下鐘意小弟既飛行報告既話, 不妨睇埋之前寫落既其他旅行報告~~

一個蘇格蘭島嶼, 兩個汽車渡輪既故事

• MV Glenachulish & CalMac MV Loch Fyne
  

一個尋找 Jetstream 41 的故事

• 浸鹹水遇溺記 第七回 flyBE (Opby. Eastern Airways) BE7671 NCL-BHD-IOM
  

一個避完稅走去翻學既故事

• 浸鹹水遇溺記 第八回 British Airways (Opby. Eastern Airways) BA3287 IOM-LCY
  

個倒頭位聽聞同前面貨倉一樣係ATR42嘅獨有原裝配置 不過只係有啲唔明：入個cockpit即係要經過個貨倉先再行到入去？咁cargo fire咪一齊GG

PS小知識：蘇格蘭裙嚴格嚟講唔係裙嚟，只係一條Tartan布包住下面，而入面係冇着底褲嘅，所以如果佢一走光你就會見到小鳥/大蜜桃 相傳以前有次蘇格蘭打仗冇乜進展，有個將軍叫啲手下除咗條裙跑向對家，對面見到班蘇格蘭友乜都唔着，下面揈下揈下咁，以為佢哋傻咗就自己撤退走咗 自此正宗嘅蘇格蘭裙都唔再着底褲

Fuk19805 發表於 2024-5-18 19:31
個倒頭位聽聞同前面貨倉一樣係ATR42嘅獨有原裝配置 不過只係有啲唔明：入個cockpit即係要經過個貨倉先再 ...

唔止 ATR42，長少少 ATR72 都係





（2017 年坐 XK AJA-NCE 時所攝）

S3BL100 發表於 2024-5-19 09:56
唔止 ATR42，長少少 ATR72 都係

ATR72個客倉係正常2+2全部向前，個倒頭位係ATR42特有

我之前都有試過係EDI搭Loganair 去S'oton, 跟住我同三個friend去到counter check-in時，嗰個Staff問我哋係咪真係搭Loganair😂 (好confused咁問)， 佢覺得我哋應該係去隔籬Emirates或者Turkish
真心佢哋個counter好唔顯眼😂

Fuk19805 發表於 2024-5-19 11:58
ATR72個客倉係正常2+2全部向前，個倒頭位係ATR42特有

非也