珍貴影片分享：1996年地鐵「錢車」

https://www.youtube.com/watch?v=u8uVzbyOBlQ

片頭有抽工程車進入油麻地站往荃灣月台車頭，中間貨卡有職員行出放板。
月台職員就將兩個錢箱過板推入貨卡。
全車長度只有約一至兩卡車廂，大約停留咗約一分鐘就開出，稍長於列車停站嘅時間。
憑顯示的時鐘，隱約見到時間為8:57。

片中時間轉去約9:56（估計是晚上）。
片主搭荃灣線油麻地去旺角，未開車就已經報站，當時轉車廣播文字同依家完全唔同。
去到旺角站，對面觀塘線一直開住門等客，然後月台車頭計時器過鐘80秒以上仍未有意思要開走。

片尾搭觀塘線落返油麻地尾站，但當時要叫乘客落車。
以前正常就算油麻地尾站，都冇咁個安排。
唔知當年有冇油麻地收車返廠嘅安排，定當年個個尾站廣播都咁。

===================================================

話時話，以前讀幼稚園（2000年前）平日日間非繁同星期六日晚搭地鐵荃灣線，好似成日有工程車過站／埋站，一過站好嘈。
有啲唔係錢車，試過有次中午時分喺葵芳搭入荃灣。
見到對面往中環方向有三四卡長度嘅工程車，喺月台頭停咗幾分鐘，到上咗地鐵都未開走。

同埋近年太子旺角金鐘依啲轉車站，唔會再特登等對面線轉車客。
一夠鐘就開走，部分甚至寧願自己架車早開都唔等。
有次由中環搭入柴灣，到金鐘同荃灣線一齊開門。
一開門播請勿靠近車門，播完即刻關門開走，只係開門6-7秒左右，轉車客冇一個上到車。
但跟住全部站都冇開到咁短。

最記得有2次去完當時開放不太久的新都會廣場，大約於晚上10時左右在金鐘站轉車時在3號月台走了一班車之後跟著便見到電池機車拖著運錢車卡埋站。
另外最後便聽到東涌線通車之前不論是站前折返還是站後折返，到了尾站時的廣播均是「各位乘客請注意，本班列車已經抵達xxx尾站，所有乘客請在此站離開車廂，多謝乘搭本公司列車」。

轉車站我地通常走得就走，唔走通常都係比人落左train hold走唔到

以前小弟開荃灣線既時候
peak hour我地全部人中環都唔會睇TIC
就算倒數仲有八十幾秒都係會閂門走

因為唔走就會倒塞返轉頭

就算早八十幾秒走去到金鐘尖沙咀好大機會都係會塞車

你搭部車開門先播已經好好
以前趕時間turbo action未停車就播定請勿靠近車門都試過

crea 發表於 2024-3-20 00:10
轉車站我地通常走得就走，唔走通常都係比人落左train hold走唔到

以前小弟開荃灣線既時候

2009年前荃灣綫上繁得66分鐘跑，下繁得67.2分鐘跑，下行仲可以早時間表成分鐘到中環？
不過而家日間非繁好似無車長會唔睇TIC，等對面抽車入咗站就閂門走，唔知係咪因為有ETA所以落咗order唔準打大啦🤣

turbo action好似繁忙時間有一排唔覺會點用，長沙灣荔枝角美孚葵芳葵興都要例牌等8-10秒先播PA，反而太子有時會快快手播PA閂門，荔景就好似通常唔多理東涌綫有冇車到，有時東涌綫就到都等15-20秒先播PA，結果當然無得1take過，有時啱啱黎咗班東涌綫客都只係等5-6秒就播PA，上哂就即刻閂門
亦有非繁忙時間急急腳播PA閂門就係為行慳電 (？)，好難捉摸🤭

crea 發表於 2024-3-20 00:10
轉車站我地通常走得就走，唔走通常都係比人落左train hold走唔到

以前小弟開荃灣線既時候

師兄家陣揸咩線?

Ricky403 發表於 2024-3-20 11:27
2009年前荃灣綫上繁得66分鐘跑，下繁得67.2分鐘跑，下行仲可以早時間表成分鐘到中環？
不過而家日間非 ...

我地d舊人升既升，走既走無乜人好似我地以前開得咁趕架la...
去到中環好多時都有60-90秒淨
觀塘線油麻地都無咁多

而家多左車好多時都會hold車，所以唔會好似我地以前咁行得就得

非繁忙時間急急腳播PA閂門就多數係師兄自己閂門
架車早左就會慢慢行

而家好多師兄都ATDC慢慢等佢開閂門，唔同以前
以前non peak趕收工隔5分我地開閂門快d都可以追到前車推住佢返總站
而家應該唔得了

kbh 發表於 2024-3-20 15:31
師兄家陣揸咩線?

已離職
我地流失好高，我同期得返兩個仲做緊，其他十個走哂了