TD會只准電動載具行單車徑，並限速25km/h限重25kg

s3n370 發表於 2022-4-11 21:52
（快睇，希望無睇錯）
篇文似乎係話，
政府嘅咨詢似乎將e-scooter同e-bike列為同一類。

e-scooter即係電動滑板車之類，休閒為主。
你講嘅唔駛踩，㩒個掣就有力嗰啲叫moped

話難分嘅話，而家呢個建議一樣要限速限重，一樣都係要分類執法

至於話香港踩單車唔係休閒就係公共交通乘客，都唔符合實際情況
就好似其他回帖都有講而家好多人踩單車送外賣
歷史上香港街道上亦都一直有人踩單車送貨送石油氣，並唔係咩新事物

另外，而家運輸署官方政策亦都承認單車作為短途代步工具嘅角色。

巴士的膠 發表於 2022-4-11 16:02
根本就連條單車徑都未起得掂，大埔-粉嶺同上水-元朗段作為「主幹線」，竟然無辦法合法地一腳踩到尾。當年 ...

响馬路踩單車，响行人路推咪合法囉。
問題如你所講，單車徑唔完整，香港嘅馬路嘅環境對單車係危機四伏。
外國可以俾一條行車線，甚至成條街俾單車專用。

可惜以香港地少人多嘅環境，絕對係luxury。
整到條單車徑其實困難重重。

qunow 發表於 2022-4-11 16:15
e-scooter即係電動滑板車之類，休閒為主。
你講嘅唔駛踩，㩒個掣就有力嗰啲叫moped

你講嘅分類只係你個人嘅分類。
而我提嘅係各地政府嘅分法。
Moped係低馬力電單車。
部分地方當電單車要領牌駕駛，反而可以出街。

你提及嘅單車送貨係有，但以香港而言，
單車仍然係休閒為主。
香港踩單車通勤嘅，未踩單車之前係搭公共交通工具居多，亦係事實。

s3n370 發表於 2022-4-12 00:27
你講嘅分類只係你個人嘅分類。
而我提嘅係各地政府嘅分法。
Moped係低馬力電單車。

https://futuraride.com/electric-scooter-laws-europe/
你講緊邊啲各地政府？

----

香港主要通勤方式
https://www.censtatd.gov.hk/tc/scode170.html
2011年政府未將船由其他度拆出嚟，個其他嘅數係68000人3.2%
https://www.hkitalk.net/HKiTalk2/thread-2136325-1-1.html
2021年香港有21000人搭船返工，37000人其他，加埋都係得58000人2.4%
邊度有吸到？

有分別列出嘅陸路公共交通工具（輕鐵重鐵巴士小巴+居民服務公司服務）喺2011年有202萬人80.3％，2021年有209萬人85.8%，冇少到客

而且呢個其他除咗單車之外仲包埋電單車/貨車/輕型貨車/電車/山頂纜車/校車/褓姆車/復康巴士等等

qunow 發表於 2022-4-11 17:20
https://futuraride.com/electric-scooter-laws-europe/
你講緊邊啲各地政府？

你引嘅網頁，頂多說明佐我講嘅“e-scooter被禁”唔完全正確。（但至少英國係禁）
反而仲證明佐我嘅分類更貼近多地政府嘅取態。

而你嘗試比較十年之間嘅數據去反駁“轉踩單車”，根本係無意思。
呢十年嘅通勤需求變動嘅效應，明顯大過單車本身吧？
更何況你列嘅數字混雜佐其他交通公具，又點比較呢？

撇除比例上唔多嘅長期待業後，重返就業市場等例子外，
通勤需要好少可無喇喇爆出嚟。
咁轉踩單車嘅，大部分都係由一個通勤方式轉過黎架啦，係咪？
最直接點解唔係同呢班人做調查呢？

轉踩單車人士，本身係搭其他公共交通，係運輸署多年前講嘅，
但我無法搵番相關資料。

而呢個列佐多年來運輸署就單車政策嘅答問嘅網站https://www.td.gov.hk/mini_site/cic/tc/laws/index.html，
運輸署多番表示“沒有專用單車徑而讓大量單車在市區與其他車輛共同使用繁忙的道路，會增加意外的風險。”，
正正係假若有更多市民踩單車通勤，係會抽走搭緊公共交通工具嘅乘客，而非私家車駕駛者，
路面車輛無明顯減少，但多佐堆單車嘅現象脗合。

s3n370 發表於 2022-4-13 07:37
你引嘅網頁，頂多說明佐我講嘅“e-scooter被禁”唔完全正確。（但至少英國係禁）
反而仲證明佐我嘅分類更 ...

冇數據喺手，但即使係公共交通轉投，好似251A/B/203/208咁，唔想等20+分鐘一班接駁線，俾多啲人自己踩單車去駁長途巴士/鐵，點都好過等啲人直接買架自己嘅電單車/私家車上公路去市區行完全程塞入幹線道路？單車點都唔上得快速公路

qunow 發表於 2022-4-13 08:29
冇數據喺手，但即使係公共交通轉投，好似251A/B/203/208咁，唔想等20+分鐘一班接駁線，俾多啲人自己踩單 ...

- 除非全段路有單車徑，否則對路面交通而言，
兩者都衰過繼續搭駁腳。
- 所以睇到政府嘅取態，只會改善有單車徑區域嘅設施。
無單車徑嘅地區就乜都唔做。
- 香港使用公共交通嘅行程逾9成，
而純為通勤而揸車嘅比例好低。
剩係睇呢兩個事實，
唔難推測到轉踩單車嘅人士，未踩單車前係用開邊個方法居多。

s3n370 發表於 2022-4-12 00:15
响馬路踩單車，响行人路推咪合法囉。
問題如你所講，單車徑唔完整，香港嘅馬路嘅環境對單車係危機四伏。
...

咁問題係咪咁樣會更加安全？深圳河以北係叫單車行行人路，而以香港路沿，行行人路對行人有危險，行馬路對單車有危險。依家唔係要你封一條行車線去做單車徑，而係新建道路好多時有空間做綠化反而無起單車徑，路口近年都主要起紅綠燈，即使起天橋都唔會有單車徑同斜道。單車徑亦無諗過要駁住住宅、商場、社區設施。即係由day 1開始就無預你踩單車做接駁。

巴士的膠 發表於 2022-4-12 00:02
根本就連條單車徑都未起得掂，大埔-粉嶺同上水-元朗段作為「主幹線」，竟然無辦法合法地一腳踩到尾。當年 ...

百勝角海拔高60~70米
而家環保大道近康城路上百勝角路一段係1:8，踩上去對一般無操過車既人都唔容易。


話雖如此，就算全副裝備既公路車車手，都好少會行環保大道車路，通常我見都係行行人路，因為環保大道行人路根本幾乎無人行，除左近百勝角燈位一段比較窄，遇到對面有人行過來要落腳外都唔太大問題。

至於馬鞍山 - 西貢，而家單車徑去到泥涌就完，將來會延長到去西沙路大洞果邊，再向南行就無啦。
之後係一段大約2~5%長命斜，同環保大道一樣都係有條無人行既行人路，同埋兩邊要上落斜。上到去西沙路近水浪窩，已經大約海拔80米。落返去黃竹灣一段1:10。所以要起既話，最主要都係路政安全斜度標準問題。

不過，現有單車徑達到1:10斜度既例子並唔係無既，例如有沙田牛皮沙街上廣源邨一段大斜等等