改裝品分享 - 黃竹坑車廠

由7iny車廠加自行興建部分的黃竹坑車廠竣工

參照現場環境設計。自己做部分的尺寸基本符合現場尺寸（由於天台水缸如果照現況興建，停車位會好似現場咁全部打斜，所以略有修改）

原本有諗過整埋另一邊樓梯，但如果整完，7iny出口位會太窄唔夠巴士出。7iny一倉只有兩個車位闊，但現場係一倉有三個車位闊，所以闊窄不一。

點解冇冷氣機同鐵架？因為嗰啲係僭建物，我想跟返八十年代興建時模樣整。

天台有14個可泊12米車的車位
一樓及二樓各有12個可泊10.4米車的車位
地下係洗車位，所以冇劃泊車位。