皇都戲院的老爺升降機

仲有住宅範圍兩部已停用OTIS

樓主提及那部在戲院內？

如果要行得走得，要花時間但唔係無可能，舊機械設計唔複雜，零件可以翻新同造返出嚟，當然啦不惜工本之餘，有無人專登服侍佢先係問題。奧的斯個工程師曾經同我大廈公開咁講舊𨋢無使用限期，原則上可以用到拆樓，機械嘅嘢對於佢哋嚟講簡單過新嘅電子嘢，機械嘢佢哋完全有能力去搞返晒啲零件，當然咁樣專門去造，成個保養費用會高，單講檢查，新𨋢電腦一查已經知道好多嘢，反而仲快啲，但電梯行業缺人先係佢哋面對最大困難。

最終戲院部舊𨋢能夠修復幾多，咪睇鄭家少爺對保育有幾大決心，有決心俾錢，奧的斯又肯做，保養返全港最古老電梯，都係一時佳話嚟，不過另一方面，呢部嘢就算整返，又合唔合法例要求？到時載唔到人，倒不如翻新內籠算數了。

另外商場有兩部古老扶手梯添，停用多年。我記得以前大門係票房，行入少少木門後有部𨋢上戲院，呢部𨋢好似戲院無做就拆咗。

solomon 發表於 2021-3-22 00:32
如果要行得走得，要花時間但唔係無可能，舊機械設計唔複雜，零件可以翻新同造返出嚟，當然啦不惜工本之餘， ...

皇都個幾部已經廢咗超過三十年的OTIS梯要原汁原味保育成功好可能會花極大天文數字維修費先搞掂啵,所以會好可能似中銀舊總行,畢打行個幾部梯會整部Lift翻新下但仍舊會保留部份有價值的零件作保育.

hkaiw 發表於 2021-3-17 20:10
樓主提及那部在戲院內？

應該就係江湖傳訛戲院範圍停用N年內個幾部梯.

AtrHenu 發表於 2021-3-23 01:05
皇都個幾部已經廢咗超過三十年的OTIS梯要原汁原味保育成功好可能會花極大天文數字維修費先搞掂啵,所以會 ...

根據我手上資料
住宅範圍嗰兩部係因為一次火警，嚴重燒壞而停用

而其餘四部同款機1995年被更新自動門