前地鐵工程車

相信如果大家有機會喺尾班車前後搭車，時不時會見到有機車拖住工程車

如果細心留意，每一架工程車都有一個編號，例如東鐵工程車嘅 FLW 平板車，LSW 敞車等等

前地鐵嘅工程車命名方法有啲唔同，好似 GPS = General Purpose Short, OLL = Overhead Line Long等等

不過之前見過有工程車叫CLS, CLL, CLW
唔知當中嘅"CL"係點解?

除非係磨軌車，檢測車等特殊用途嘅工程車，其餘都係用平板車加建設備，而呢啲平板車大部分都係Kawasaki/株洲製造。至於有冇其他廠製造呢啲平板車，則有待查證。

地鐵曾經出現"士多車"，用嚟為車站補給物質同埋收集錢箱。呢啲班次曾經使用密斗工程車，不過現在前地鐵網路都冇使用密斗工程車。

如果有人對呢啲工程車有更深入嘅了解，歡迎指正同提供更多資訊，謝謝。