|
國泰航空 東京(成田)>香港 特選經濟艙體驗
*多得自己驚人嘅消費能力，終於又可以成為國泰A350特選經濟艙坐上客
日期：13FEB2020 時間：1645-2105 航班：CX521 機型：Airbus A350-900 B-LRP
我唔知航空公司係唔係無必要通知乘客機型變更，ANA改機型唔影響艙等同已選座位都係會通知，國泰機型變更就完全無通知乘客，由去年年頭訂HKG>KHH 320>333係出票後一個星期再幫屋企人訂同一班機先知，再到去年9月台灣返香港預先付費選位劃定54排中間特闊行距位，臨出發去機場自己查先知老早由3-4-3 773改為3-3-3 77W調我去60排普通位，喺櫃檯經過一番溝通先畀Exit row我做補償。
原定去程HKG>KIX唔係通知你機型變更，而係電郵通知你取消及重新預約行程，直接用特選經濟艙嘅里數搭經濟艙，由已確認變成未確認，呢啲情況唔使打去國泰，搵返英航就得。英航建議你等或完成行程後提出索償里數差額，由於機票變成未確認係會完全退還所有費用及里數，所以退票係最實際
回程一樣換咗機型但無收到任何通知，改咗時間就一早收到電郵通知。回程由長途座位佈局嘅A330改為A350，無降級就唔使煩咁多，同時可以體驗下點解國泰短途PEY做唔起。是次行程用Avios加錢兌換，未加價前兌換最低消費為7500里+$1100，唔算好貴。
今日呢班機查seatguru發現好多位都block咗，實際座上率可能連四成都無，特選經濟艙直頭得幾個人，今次選擇30K呢個位旁邊因為CX block咗所以無得揀但到push back都無人坐。特選經濟艙設計本身就係舊式商務客位，座距比經濟艙多但始終不及區域性商務艙，CX特選經濟艙硬件上只可以話舒服同合理但唔叫靚。 充電位全部喺兩個座位之間，不幸地近30K嗰個USB係用唔到嘅 中央扶手有張枱仔放飲品 扶手下有小型置物空間，僅僅足夠一部iPad Mini 座位所有調整都係手動而非電動，耳機插位唔係一般飛機插，所以無得用自己耳機，最慘係特選經濟艙所提供嘅耳機戴得唔舒服而且無降噪功能 起飛後派花生同飲品，同經濟艙無異 今日呢班機有兩種餐可以選擇，但空姐只係好簡單咁問你要牛定雞，而非ANA咁有menu 畀乘客睇，今次個牛肉飯確實唔錯，據說係香港去程上埋回程呢餐 WiFi服務方面已經cut淨一小時同全程兩個方案，全程任用方案$12.95美金好合理抵過長榮好多，而且速度好快 本來諗住買鎖匙扣，但不幸地無貨，空姐只係叫我下次再坐嗰時買，然後就再沒有然後 總結： 對上一次坐國泰特選經濟艙已經係兩年前飛台北意外upgrade，今次用里數換機票可以坐耐啲整體感覺一般般，姐係就係好一般嘅CX服務，餐飲好咗只係外站好而非CX自己改善咗，其實CX可以參考CI/BR咁可以用經濟艙加錢劃特選經濟位，相信好過淪為獎勵機票專用艙等。嚟緊五月如去得成日本的話就有多次機會坐國泰商務同日航商務，希望到時去得成吧！
| 
