點解當年地鐵九鐵唔可以學城巴新巴咁樣成爲兄弟公司?

K.C.R2007 發表於 2017-3-24 19:23
我只係覺得兩間公司都各有自己嘅歷史意義同特色
九鐵繼承左香港歷史最悠久嘅鐵路，地鐵亦都開創左香港第 ...

地鐵食咗九鐵之後取消貨運、行李託運、行李票同埋統一行李規定等等好明顯已經係想將近郊火車當成都市地鐵咁經營，而家重要將條沙中線啲車站起到地鐵咁密，R train又成部地鐵咁款，重要減到地鐵嘅卡數同將班次加到地鐵咁密。
上水、大埔、元朗、屯門呢啲遠郊根本就唔應該起地鐵，地鐵只適合喺城市入面使用，應該要完全用近郊鐵路方式興建先啱，用長長嘅火車，以座位為主，企位為輔，每個鎮只設一至兩個車站，並以輕鐵/鐵巴接駁，入到市區就轉地鐵。


（其實九鐵後期已經做緊呢樣嘢，將西鐵起到9卡而唔係12卡並試圖用班次搭救，將MLR同SP1900整到成個地鐵內籠咁，只係未去到地鐵咁出面）

miklcct 發表於 2017-4-4 21:04
地鐵食咗九鐵之後取消貨運、行李託運、行李票同埋統一行李規定等等好明顯已經係想將近郊火車當成都市地鐵 ...

坦白講
如果有足夠空間同土地
我真係覺得上水粉嶺等地係需要地鐵形式嘅鐵路接駁
宜家上水粉嶺一帶繁忙時間成日塞車
一個唔改撞埋車就真係上水粉嶺交通大癱瘓

因為粉嶺公路迴旋處設計嘅關係
粉嶺公路塞車成日令上水粉嶺一帶倒塞
如果可以有區內綫分流一下巴士車流量會好好多

miklcct 發表於 2017-4-4 21:04
地鐵食咗九鐵之後取消貨運、行李託運、行李票同埋統一行李規定等等好明顯已經係想將近郊火車當成都市地鐵 ...

人口增加同都市向近郊擴張嘅趨勢係無可避免之下，鐵路通勤化係必然嘅事實
話沙中線車站密係港鐵造成？唔該睇下前九鐵起的馬鞍山線車站密度先落定論
想將東鐵線當成近郊鐵路來營運？咪傻啦，即使在2、30多年前火車剛剛電氣化的時候就已經迫爆，更唔好話今日，唔信睇下當年嘅鏗鏘集: https://www.youtube.com/watch?v=qZEbjwqHexo&t=234s
如果唔係點解九鐵當年要格硬將黃頭進行通勤化改裝？就算改裝左MLR依然問題不少，改裝時沒有順帶換動力配搭，依然係1M2T，根本應付不了將來需要上下斜的過海路段
僅僅2.5 km/h/s 的加速度對於通勤列車來說是遠遠不夠的，當初ATO還沒有應用在東鐵線的時候，千九列車能夠追上前一班MLR的情形屢見不鮮
走廊狹窄的先天缺陷不利乘客流動，載客量低於同卡數的千九列車，乘客需要等候多一班列車的情況在現在的東鐵線依然十分常見
長遠來說MLR只是一款過渡車種，遲早都要換
就算兩鐵沒有合併，九鐵一樣會買款跟千九差唔多嘅新車替換MLR，只不過頭幅設計會參考返MLR，而且唔會學地鐵門位而已

R-Train雖然是採用類似市區線列車的門位，但其實車卡長度跟千九和MLR是一樣的，車廂高度也跟前九鐵列車看齊，較市區線列車高很多
只不過佢個車窗面積比較大（同千九差唔多大），每個車窗與車門之間騰出比較多的空間，令你視覺上以爲佢每卡車同市區線列車一樣長，其實長度同千九/MLR係相差無幾架

題外話，如果比我設計南北線的新車，我希望部車門位跟翻千九，頭幅則參考MLR來設計，咁樣就perfect了
再直接啲不如乾脆就將東西線同南北線全部統一採用IKK/假千九咪仲直接